有缘再见!TVB男艺人突然宣布离开《爱·回家》

东方资讯娱乐 2021-08-26 23:48:55 阅读数:33

再见 艺人 有缘 tvb 男艺人

喺《爱·回家之开心速递》中演补习天王嘅George「佐治」张明伟今日(25日)突然喺社交平台宣布离开剧组!唔少粉丝都表示唔捨得,更加指係因为George呢个角色先认识到张明伟,留言话接受唔到呀!

张明伟cap低多张大家喺讨论区提起佢嘅留言同剧照,表示多谢大家对自己嘅支持:「我一直好想讲……其实我做George不知不觉3年有多,一路都有follow大家嘅留言。无论好同坏,都畀咗好多灵感同意见我思考点样进步,务求令呢个角色有娱乐性而且够贴地。衷心多谢你哋每一位支持,希望大家日后留意我其他作品,有缘再见!」

张明伟曾经讲到喺佢初入行嗰八年,获安排嘅角色多数都係行行企企,直至「佐治」一角,先令佢感受到咩叫「入屋」嘅威力。其实「佐治」呢个角色本来只係剧中其中一个单元嘅「一次性」角色;隔咗几个月之后,监制决定再写「佐治」,更要求佢喺造型上要有林作feel,于是张明伟就参考林作嘅访问,更削咗一执头髮,等头髮容易飞起。做足功课嘅佢冇白费心机,一头「佐治」嘅乱髮造型成网民佳话,仲受到林作关注,林作仲亲自落手指导对方打造其招牌乱髮。

现年31岁嘅张明伟,毕业于美国加州大学洛杉矶分校(UCLA)的传理系;而喜欢唱歌演戏嘅佢,2012年毕业于第廿五期无綫艺员训练班,翌年参加过《星梦传奇》,自弹自唱《Let it be》,大骚音乐才华。

其实佢本身亦係创作歌手,以及係乐队「Charming Way」嘅主音及结他手。张明伟父亲同哥哥都係法律界人士,妈妈係英文老师,家境相当富裕。张明伟选择入娱圈由低做起,初入行时亦一度被标籤为「玩玩吓」嘅二世祖。张明伟表示知道自己幸福,但无论富二代定屋邨仔都有各自的辛酸同难处,无论标籤係正面定负面,佢都要承受、接受,工作上亦无得抵赖,无藉口做得唔够好。

来源:TVB剧评君

版权声明:本文为[东方资讯娱乐]所创,转载请带上原文链接,感谢。 https://mini.eastday.com/nsa/210826232651709536133.html